Shahararriyar jaruman nan ta kamfanin shirya fina-finan Hausa da na Kudu, Rahama Sadau ta bi sahun jaruman duniya gurin nuna alhininsu akan mutuwar jarumar kasar Indiya Sridevi.
Jaruma Sridevi ta mutu ne a kasar Dubai, bayan ta halarci wani bikin aure.

Sridevi ta yi suna a harkar finai-finai ne tun bayan fitowa da tayi a wani babbar fim mai suna Mr. India.


Jaruma Rahama Sadau ta yi ta saka hotunan ta da bidiyo a shafinta na Instagram domin nuna alhini kan mutuwar ta.


Daga cikin wadanda suka jajanta wa iyalan mamaciyar sun hada da firam ministan kasar Indiya, da jaruman duniya.